Рана дијагноза на рак на дојка & Исхрана за борба против ракот на дојка

Редовните прегледи се многу важни за рано откривање на ракот на дојка, којшто е еден од најчестите канцери кај жените. Жените кај кои не постои ризик од рак на дојка редовно секоја година треба да прават мамографија по својата 40 година. Меѓутоа, жените во чија семејна историја има случаи на рак на дојка, треба да прават редовни контроли по 25 година од животот.

За заштита од рак на дојка и обезбедување подобри резултати од третманот, потребно е луѓето да избегнуваат некои прехранбени производи и да внесуваат обилни количества од други производи. Кај жените со рак на дојка, зголемувањето на телесната тежина и стапката на маснотии може да го зголеми ризикот од развој на канцер и во другата дојка. Затоа, целта треба да биде исхрана која ќе го спречи зголемувањето на мастите и ќе го заштити одбранбениот систем на организмот.

• Белите прехранбени производи, посебно рафинираниот шеќер, ориз и белото брашно, го зголемуваат ризикот од канцер.
• Зелениот чај, којшто е силен антиоксиданс поради полифенолите што ги содржи, помага во намалувањето на стапката на маснотии во телото.
• Рибата, којашто е здрава за луѓето од сите возрасти, го спречува ширењето на ракот на дојка.
• Зеленчукот и овошјето кои се богати со антиоксиданси имаат главна улога во борбата против ракот на дојка. Прокељот или кељот пупчар, брокулите, карфиолот, цвеклото, црвеното грозје, црните дудинки, црешите, капините, кајсиите, праските, тиквата, магдоносот, кромидот и лукот се богати извори на антиоксиданси.
• Ризикот од рак на дојка се зголемува кај жените со низок внес на калциум. Млекото, јогуртот, сирењето и другите млечни производи се храна која е богата со калциум.
• Истражувањата покажаа дека свежиот лук ја намалува можноста за развој на рак на дојка.