ВОДИЧ ЗА ПАЦИЕНТИ

Програма за меѓународни пациенти

Програмата „Acıbadem Health Point“ е првиот контакт за меѓународни пациенти.

Здравствената групација „Аџибадем“ обезбедува персонализирано корисничко искуство за меѓународните пациенти со програмата наречена „Acıbadem Health Point“. Програмата „Acıbadem Health Point“ е замислена како сервисен центар на едно место за поддршка на меѓународните пациенти, од денот на поднесување на првото барање до отпуштањето од болниците на „Аџибадем“. Брзорастечкиот тим на програмата „Acıbadem Health Point“ го сочинуваат службеници за односи со пациенти и лекари. Овој тим на посветени професионалци организира патување за здравствена заштита на меѓународните пациенти според нивните потреби и очекувања. Во периодот пред, за време на и по престојот ги нудиме следните услуги:

• Второ медицинско мислење од Информативните канцеларии
• Закажување медицински прегледи
• Помош со меѓународни осигурителни компании
• Проценка на трошоци за услугите
• Помош со процедурите за визи
• Подготовка на хотелски аранжмани
• Пречек на аеродромите во Истанбул
• Организирање копнен превоз од аеродром
• Помош и превод при прием во болница и лекари
• Добивање и доставување копии од медицински извештаи по консултациите
• Помош во постапките за отпуштање и плаќање
• Олеснување на комуникацијата со лекарите од Здравствената групација „Аџибадем“ по заминувањето

Информативни канцеларии „Acibadem Health Point“

Патувањето на меѓународните пациенти започнува од Информативните канцеларии што се отворени на повеќе од 50 различни локации. Меѓународните пациенти можат да пристапат до нашите канцеларии за да добијат информации или медицинско мислење во врска со лекувањето во Турција. Нашите канцеларии ќе ги поддржат меѓународните пациенти да поднесат медицинска документација и релевантни резултати од испитувањата што ќе ги проценат лекарите од „Аџибадем“. Откако ќе се разгледаат сите медицински документи, нашиот тим од „Acıbadem Health Point“ контактира со меѓународните пациенти за да понуди план за лекување и цена. Ве молиме проверете ги локациите на нашите Информативни канцеларии. (information offices)

„Acibadem Health Point“ пулт за пречек

Кога меѓународните пациенти решаваат да дојдат на лекување во Турција, тие ќе бидат срдечно пречекани на нашите „Health Point“ пултови на аеродромите „Истанбул“ (IHL) и „Сабиха Гокчен“ (SAW) во Истанбул/Турција. Меѓународните пациенти ќе имаат можност да се одморат и да користат Wi-Fi до нивниот превоз.

Ако пристигнете на меѓународниот терминал на аеродромот „Истанбул“ (IHL), откако ќе го подигнете багажот, најдете го излезот помеѓу лентите за багаж бр. 14 и 15. Кога ќе излезете низ портата, свртете десно и пешачете додека не стигнете до пултот „Acibadem Health Point“.

Ако пристигнете на меѓународниот терминал на аеродромот „Сабиха Гокчен“ (SAW), откако ќе го земете багажот одете кон излезот. Кога ќе излезете низ портата, свртете десно и пешачете додека не стигнете до пултот „Acibadem Health Point“ од десната страна.

Возила за превоз на „Acibadem Health Point“

Програмата „Acıbadem Health Point’ нуди бесплатен превоз за меѓународни пациенти. Однапред договорениот превоз ќе ве однесе директно до вашиот хотел или во нашата болница. Тимот на „ Acıbadem Health Point“ ќе ги извести нашите пациенти кога е подготвен превозот.

Во согласност со правилата за безбедно патување, поставени од Министерството за внатрешни работи, во системот е задолжително внесување на броевите на пасоши на сите гости кои ќе се превезуваат со возилата на „Аџибадем Хелт поинт“ (Acıbadem Health Point). За непречено и безбедно патување, љубезно ве молиме да ги споделите овие информации со нашите канцелариски тимови или централни единици на „Аџибадем Хелт поинт“ пред вашето патување.

Тим за односи со пациенти на „Acibadem Health Point“

Во болниците „Аџибадем“, тимот за односи со пациенти на „Health Point“ обезбедува бесплатни преведувачки услуги на повеќе од 20 различни јазици. Службениците за односи со пациенти ќе ги придружуваат меѓународните пациенти од пријавување до отпуштање и ќе ги поддржат за следното:

• Пречек при пријавување
• Пријавување за болнички и амбулантски услуги
• Закажување медицински прегледи
• Помош со меѓународни осигурителни компании
• Помош и превод со лекари
• Добивање и доставување копии од медицински извештаи по консултациите
• Помош во постапките за отпуштање и плаќање
• Олеснување на комуникацијата со лекарите од Здравствената групација „Аџибадем“ по отпуштањето