Сеопфатен центар за ‘рбет

Сеопфатниот центар за ‘рбет „Аџибадем“ обезбедува холистички услуги надвор од традиционалните пристапи во грижата за ‘рбетот.

Што е Центар за ‘рбет?

Центрите за ‘рбет се медицински институции кои обезбедуваат сеопфатна дијагноза и третман на едно место. Сеопфатниот центар за ‘рбет „Аџибадем“ во Турција вклучува експертиза на специјалисти од светска класа по ортопедија, хирургија на ‘рбетот, неврохирургија, неврологија, радиологија, торакална хирургија, кардиоваскуларна хирургија, анестезиологија, физиотерапија и алгологија, кои се занимаваат со вообичаени и сложени заболувања на ‘рбетот. Сите имаат големи познавања и можат добро да ги разберат состојбите на ‘рбетот и поплаките на пациентите. Искусни се да одредат соодветна дијагноза и алтернативи на лекување за пациентот, како и технологија за изведување на третманот на најдобар можен начин.

Болести на ‘рбетот што ги лекуваме

Сеопфатниот центар за ‘рбет „Аџибадем“ ја нуди својата врвна експертиза за лекување на цел спектар на состојби на ‘рбетот, од вообичаени заболувања на ‘рбетот до најсложени случаи. Тие опфаќаат:

• Деформитети на ‘рбетот кај деца и возрасни:  сколиоза (странично искривување на ‘рбетот), хиперкифоза (кога горниот дел од грбот абнормално се искривува напред), хиперлордоза (долниот дел од грбот значително се искривува навнатре).
• Дегенеративни состојби на ‘рбетот:  оваа голема група на заболувања е водечка причина за болки во грбот. Меѓу нив се хернија на дискови предизвикана од повреда или абење поврзано со возраста; стеноза на ‘рбетот (стеснување на’ рбетниот канал); ишијас (стиснат или иритиран ишијатичен нерв); дегенеративно заболување на дискот (танчење на вертебралните дискови); спондилолистеза (пршленот се лизга од своето место); радикулопатија (приклештени нервни корени) итн.
• Тумори на ‘рбетот:  може да бидат бенигни (неканцерозни) или малигни; примарни (кои потекнуваат од ‘рбетот или’ рбетниот мозок) или метастатски (кога рак од друго место се шири на ‘рбетот).
• Повреди и фрактури на ‘рбетот:  може да бидат предизвикани од несреќи, спортски трауми или други состојби кои ги ослабуваат пршлените.
• Инфекции на ‘рбетот:  Вообичаено предизвикани од бактерии или габи.

Напредна дијагностика на заболувања на ‘рбетот

Во Сеопфатниот центар за ‘рбет „Аџибадем“ користиме најнови дијагностички алатки за да обезбедиме соодветни решенија за лекување.

Нашиот стручен тим може да го користи системот за снимање EOS со намалена изложеност на зрачење, апаратот Siemens Somatom CT со ултра ниска доза на зрачење и апаратот DIERS formetric 4D за скенирање на површината без зрачење, што се користи за следење на пациенти со сколиоза елиминирајќи ја потребата од чести радиографски снимања. Апаратите со магнетна резонанца Siemens Magnetom 1.5T Avanto Fit и Siemens Magnetom 3T Skyra се користат за дијагностицирање на болести на ‘рбетот.

Заболувањата на држењето на телото се откриваат со апаратот DIERS 4D MotionLab за анализа на држењето и одењето и DIERS Myoline за проценка на мускулната сила, намалувајќи ја употребата на апарати за снимање што емитуваат зрачење.

Нехируршки третмани на ‘рбетот

Нехируршките опции за заболувања на ‘рбетот може да опфаќаат вежби за зголемување на мускулната сила и флексибилност, протези или лекови. Во Сеопфатниот центар за ‘рбет „Аџибадем“ можеме да понудиме:

• Зацврстување на ‘рбетот. Во ова одделение се дизајнираат, произведуваат и аплицираат динамични протези кои обезбедуваат 3Д корекција од страна на ортотичари кои се експерти во нивните области, под надзор на лекари кои поминале специјална обука.
• Физикална терапија и рехабилитација.  Нашето Одделение за физикална терапија   е специјализирано за физиотерапија за сколиоза, третман на болка и индивидуални програми за обука на нашите пациенти. Се практикуваат вежби специфични за сколиоза, „реформер комбо“ пилатес, TRX, BOSU и „винг“ јога од обучени и сертифицирани физиотерапевти во овие области.
• Проверка на држењето на телото. Искривувањата на ‘рбетот, држењето и одењето се оценуваат со помош на уредот DIERS 4D, кој врши топографија на површината и анализа на држењето на телото без изложеност на зрачење. DIERS Myoline ја мери силата на 28 различни мускули за држењето и дава податоци за нивната состојба. Држењето се коригира со вежби планирани во таа насока.
• Третман на болка. За пациентите со болки во грбот, алголози (специјалисти за болка) изведуваат различни третмани за ублажување на болката. Специјално за пациентот се избираат инјекции за ‘рбетот, електротерапија, топли и студени апликации и соодветни методи на физикална медицина.

Постоењето на сите одделенија во ист центар овозможува холистички процес на лекување и подобри резултати.

Минимално инвазивна операција на ‘рбетот

Ако е потребна операција на ‘рбетот, кога е можно претпочитаме минимално инвазивни техники. Со нив се прават помали засеци и се предизвикува помалку крварење и траума на мускулите и ткивата. Тоа помага да се минимизираат постоперативните компликации и да се забрза периодот на закрепнување. Минимално инвазивна операција на ‘рбетот може да се примени за дискектомија (операција за хернија на дискот), декомпресија на нерви, спинална фузија и генерално, во повеќето случаи кога е потребна операција на ‘рбетот.

Овој вид на операција бара специфична опрема. Во Сеопфатниот центар за ‘рбет „Аџибадем“ нашите хирурзи користат специјално развиен микроскоп за операции на ‘рбетот Zeiss Tivato 700. Апаратите Karl Storz & Ethicon се користат за да се овозможи минимално инвазивна операција на ‘рбетот со видео-торакоскопија. Безбедно и сигурно поставување на штрафови и други алатки е овозможено со апаратот за снимање Medtronic O-arm и системот за навигација Stealth Station.

За комплицирани деформитети на ‘рбетот, користиме технологија на 3D печатење за да направиме модел на ‘рбет во реална големина и да го планираме третманот.

Напредна операција за сколиоза

Златен стандард за третман на тешка сколиоза е операција на спинална фузија. Таа подразбира спојување на два или повеќе пршлени во цврста коска за да се коригира искривувањето. Нова и мошне напредна процедура во оваа област е врзување на телата на пршлените (Vertebral Body Tethering – VBT). Таа минимално инвазивна техника главно се изведува кај деца и адолесценти. За разлика од традиционалната спинална фузија, VBT го коригира искривувањето без да ја попречува флексибилноста на ‘рбетот или растот на пациентот. Тимот на Сеопфатниот центар за ‘рбет „Аџибадем“ успешно го применува новиот метод од 2014 година. Со тоа  е еден од најискусните центри за VBT операции ширум светот.

Зошто Сеопфатениот центар за ‘рбет „Аџибадем“?

• Врвен тим на медицински експерти.  Нашиот тим придонесува кон глобалната наука за ‘рбетот преку истражување, воведување нови методи и соработка со меѓународни клиники и здруженија за ‘рбетот.
• Знаење и искуство во кои можете да верувате.  Секоја година нашиот Центар остварува над 4000 амбулантски консултации и повеќе од 300 операции на ‘рбетот.
• Мултидисциплинарен пристап.  Експерти од сите поврзани медицински области ги здружуваат своите напори да дојдат до сеопфатен план за лекување само за вас.
• Најнова технологија и опрема. Имајќи ја предвид безбедноста на пациентите, постојано инвестираме во најнови алатки и апарати.
• Напредни методи и техники.  Нашиот тим постојано е ангажиран во истражување и иновации за да развие нови опции на лекување за нашите пациенти.
• Првокласни услуги за пациенти.  Доколку решите да патувате на лекување на ‘рбетот во Турција, нашиот Меѓународен центар за пациенти е задолжен за сите ваши потреби.