УРОЛОГИЈА

УРОЛОГИЈА

На одделите за урологија на Здравствената групација Аџибадем се вршат висококвалитетни уролошки испитувања, прегледи, дијагностика и третман на возрасни и педијатриски пациенти, со динамичен медицински персонал којшто внимателно ги следи новите достигнувања. Докторите на одделите за урологија нудат услуги користејќи го своето клиничко искуство и знаење, базирано на научни студии и истражувања.

Покрај рутинските операции како операциите на простатата и ТУР операции на мочниот меур, инвазивни и неинвазивни операции на камчиња (уретероскопија, перкутана нефролитотомија и литотрипсија (ESWL), оваа единица е водечкиот центар за урологија со интензивни медицински услуги на полето на уролошки операции на канцер, педијатриски уролошки операции, уродинамика и сексуални дисфункции кај мажи.

За третман на нарушувања на уринарниот тракт кои се предизвикани од зголемена простата (BPH – бенигна хиперплазија на простатата), се применуваат модерни медицински и хируршки терапии: TUR (трансуретрална ресекција), Greenlight Laser PVP, Greenlight Laser HPS  (фотоселективна вапоризација со зелен ласер),  фидбектермотерапија (Feedback Thermotherapy).  Покрај тоапостојано се во тек сеопфатни студи и во областите кои се однесуваат на здравјето на простатата, како што се скен на простатата за утврдување канцер и третман на инфекции на простатата. Во одделите за  урологија на болниците  Аџибадем се применуваат сите современи хируршки и медицински методи за третман на канцер на уринарниот систем. Овој сектор често применува радикална простатектомија со сочувување на сексуалната потенција (за канцерна простата) и радикална цистотектомија (за канцер на мочниот меур). Покрај тоа, се вршат и други уролошки онколошки операции, како што се операции на канцер на бубрег и тестиси, кои се вршат од страна на хируршки тим кој е специјализиран за уролошка хирургија, со поддршка на одделите за анестезиологија и интензивна нега. Во некои уролошки случаи на канцер, опциите за третман им се презентираат на пациентите во координација со единиците за медицинска онкологија и радиотерапија.

Во групацијата болници Аџибадем се вршат третмани на камчиња во уринарниот тракт ендоскопски операции (затворен систем), при што се користи врвна технологија. Покрај хируршкиот третман, ваквите камчиња можат да се третираат и без анестезија и амбулантно со литотрипсија (ESWL). Одделот за урологија е еден од водечките центри од аспект на искуството во ендоуролошките третмани на камчиња (уретроскопија, перкутана нефролитотомија – PCNL).

Единицата за уродинамика нуди детални дијагностички испитувања на проблеми кои се поврзани со инконтиненција и уринарни проблеми можат да се сретнат кај мажите и жените на која било возраст. Уродинамиката и модерните урорадиолошки методи се применуваат при дијагностицирањето и мониторирањето на сите видови проблеми на инконтиненција кај возрасни и деца, вклучувајќи, например, ноќно мокрење кај деца или уринарна инконтиненција кај жени, како и кај пациенти со миелодисплазија (spina bifida).

Третманот на проблеми со ерекцијата и ејакулацијата кај мажите, односно еректилна дисфункција и машки стерилитет, се планираат и спроведуваат во соработка со специјалисти од други области, преку испитувања, дијагностицирање и третман.

Педијатриската урологија се занимава со дијагноза и третман на вродени и стекнати заболувања на уринарниот и гениталниот систем кои можат да се сретнат во пренаталната фаза, пораѓањето и во подоцнежните фази. Ваквите примери вклучуваат хидроцела или циста на папочната врвца, неспуштени тестиси, обрежување, алармантни состојби на тестисите и мочниот меур (акутенскротум и торзијанатестис). Хипоспадија (вродена состојба при која отворот на пенисот се наоѓа на долната страна, наместо на врвот на пенисот) е една од областите за кои Одделот за урологија е посебно заинтересиран. Покрај примарната корекција на хипоспадија,  исто така се врши и хируршки третман на пациенти кои претходно имале неуспешна операција.

×
Search